Category Archives: Նախագծեր

Պատրաստում ենք ծիսական Նուրի

Стандартный

Սաները ծանոթացան Անձրևաբեր Նուրիի ծիսակատարությանը։ Իմացան, որ այս ծեսի համար անհրաժեշտ է տիկնիկ,ուստի միասին պատրաստեցինք ծիսակարգի Նուրի տիկնիկին՝ օգտագործելով բազմապիսի պարագներ, օրինակ թել ,փայտիկներ, բամբակ, գույնզգույն կտորներ։

Реклама

Նախագիծ սեպտեմբերի 11-ից- 15-ը

Стандартный

Աշխատանքային ժամերը 8:45-17:00
Ընդունելություն 9:00-9:30
Նախաճաշ 10:30-11:00
Ճաշ 12:30-13:00
Քուն 13:00-15:00
Հետճաշիկ 15:30-16:00
Տուն ճանապարհել 16:30-17:00

img_4001

 

Ընդունելություն՝
Զբոսանք, նախավարժանք բակում
Հեծանիվ+լող
Երգ – պար
Կրկնում ենք ոտանավորները ծափերով, դոփերով
Լվացվել, պատրաստվել նախաճաշին
Նախաճաշ
Պատրաստում ենք շրխկաններ
Ուսումնասիրում ենք ջուրը՝ իր տարբեր դրսևորումներով (ջուր, գոլորշի, սառույց, տաք և սառը վիճակներ):
Պատրաստում ենք անձրևաբեր տիկնիկ
Շաբաթվա բանաստեղծություն — <<Դեղնած դաշտերին>> ,<<Կատու>>
Կրկնում ենք երգերը—<<Արև-արև>>,<<Փայտե ձիուկ>> , <<Ջան, ջան, ջան, աշուն է>>
Շաբաթվա հեքիաթն է <<Պապն ու շաղգամը>>, <<Սևուկ ուլիկ>>
Աշխատանք բակում- ջրում ենք ծաղիկներն ու ծառեր, հավաքում քամու բերած թղթերը
Ինքնուրույն անկողինը բացել
Լվացվել, պատրաստվել ճաշին
Ճաշ
Հանգիստ /քուն/-օրորոցային երաժշտություն
Հավաքում են անկողինը
Լվացվել, պատրաստվել ետճաշին
Ետճաշ
Մուլտֆիլմի դիտում

Ճանապարհում տուն:

Նախագծի թեման. «Ազգային ծեսեր. Անձրևաբեր ծես»

Стандартный

v

Նախագծի թեման. «Ազգային ծեսեր. Անձրևաբեր ծես»

img_4724

Նախագծի թեման. «Ազգային ծեսերԱնձրևաբեր ծես»

Նպատակը

  • ջրի (անձրևի)կարևորությունը, անհրաժեշտությունը բնության մեջ, մարդու կյանքում,
  • ազգային ծեսերին՝ նոր կյանք: 

Ժամանակացույցը

Նախագիծն իրականացվում է ամռան շոգ օրերին, երբ բույսերը չորանում են, անձրևի պահանջ կա:

Ծեսի մասնակիցներ

«Մխիթար Սեբաստացի» կրթահամալիրի նախակրթարանների սաներ:

Ընթացքը.

Սաները դաստիարակի հետ ուսումնասիրում են ջուրը՝ իր տարբեր դրսևորումներով (ջուր, գոլորշի, սառույց, տաք և սառը վիճակներ):

Դաստիարակը ուսումնասիրում է անձրևաբեր և անձրևախափան ծեսերին նվիրված գրառումները՝

  • Ա. Շահնազարյանի «Երգ ու հաց» գրքից. Նուրի, Նուրի
  • Թամար Հայրապետյան, «Անձրևաբեր և անձրևախափան ծեսերի երկհակադիր ընկալումների շուրջ», գտնում են այլ գրառումներ (համացանց, գրականություն),
  • շրջապատի մարդկանց, ծանոթների միջոցով իմանալ այլ տեղեկություններ այդ ծեսերի, նրանց իրականացման մասին (Անձրևաբեր ծեսը Շիրակի մարզում) ,
  • սովորում են երգեր, բանաստեղծություններ անձրևի, ամպերի, արևի, ջրի մասին,
  • խաղում են խաղեր ջրի (ջրի հետ, ջրի՝ լողավազանի կամ այլ ջրային միջավայրի մեջ), անձրևի, ամպերի, քամու, արևի հետ կապված, ջրի մեջ մտնելու,  ջրից «վախն առնելու» մանկական խաղ),
  • իմանում են անձրևի կարևորության մասին,
  • պատրաստում են ծիսական տիկնիկը՝ իրենց պատկերացմամբ և որոշում՝ ինչ անունով է կոչվելու (քանի որ տարբեր վայրերում տարբեր անուններով են կոչել)
  • որոշել ծեսն իրականացնելու վայրը, ձևը,
  • խաղարկում են ծիսական տեսարաններ, որոնք կարող են լինել ինչպես ժողովրդի կողմից արդեն խաղարկած (որոնք անպայման պետք է համապատասխանեն տվյալ տարիքի երեխաներին), այնպես էլ՝ իրենց կողմից ստեղծված, որի ընթացքում կատարում են անձրևաբեր ծիսական երգեր («Պուպլատիկինն էկեր է» , «Հանիկ նինար»Անձրևաբեր ծիսական երգեր և այլն)  ասիկ, բանաստեղծություն, խաղերգ և այլն:
  • ծեսերին նոր կյանք տալով՝ ստեղծել նոր կերպարներ, նոր խաղեր, հետաքրքիր գործողություններ:

Արդյունքում մասնակիցը կիմանա                                                                 

  • ազգային ծեսերը,
  • ազգային սովորույթները,
  • հայկական ժողովրդական և ծիսական երգերը,
  • ծիսական կերպարները,
  • ժողովրդական, մանկական, ծիսական խաղերը,
  • ծիսական պարագաները,
  • անձրևի (ջրի) դերը բնության մեջ, 

կկարողանա

  • երգել հայկական ժողովրդական և ծիսական երգեր,
  • պատրաստել ծիսական պարագաներ,
  • խաղալ ժողովրդական, մանկական, ծիսական խաղեր,
  • համացանցից, այլ աղբյուրներից ծեսին վերաբերվող նյութեր գտնել,
  • ծեսին նոր կյանք տալ:

կլինի

  • ծեսը իմացող ակտիվ մասնակից, փոխանցող, տարածող:

Հետևություն 

Ի՞նչ տվեց այս աշխատանքը մասնակցին, ի՞նչ նորություն կարողացավ ներմուծել անձրևաբեր ծեսը խաղարկելիս, կցանկանա՞ նորից խաղարկել և ծեսերին նոր կյանք տալ: 

Արդյունք

Նկարել, տեսագրել, գրի առնել աշխատանքի ընթացքը, բլոգում ներկայացնել ֆիլմի, ֆոտոպատումի, նկարագրության, այլ տեսքով:

Անձրևաբեր ծիսական տեսաֆիլմեր

Անձրևաբեր ծեսի իրականացումը  Կոտայքի մարզի Կամարիս գյուղում»

Անձրևաբեր ծես՝ Սևանի «Ժայռ» ճամբարում

Անձրևաբեր ծես Արևելյան դպրոցի ուսումնական ճամբարում

Ազգային երգեր՝ որտեղ շոշափվում է անձրևիջրի թեման.

Բոբիկ ջուր մի էրա ,  Ջուր կուգեր ,  Զըպիկ, զըպիկ ,   Անձրև եկավ ,  Երկինքն ամպել է և այլն:

Անձրևաբեր ծիսական երգեր

Անձրևաբեր ծիսական երգեր  pdf

Անձրևաբեր ծեսը Կոտայքի մարզի Կամարիս գյուղում

Նուրին, Բուկլե Բարանն ու Պուպլատիկինը՝ լողավազանում

Հոդված՝ «Անձրևաբեր ծես» նախագծի իրականացման մասին

Նախագիծ. 2-4 տարեկանների մանկավարժական աշխատողների, ուսանողների երաժշտական լաբորատորիա

Стандартный

v

Նախագիծ. «2-4 տարեկանների մանկավարժական աշխատողների, ուսանողների երաժշտական լաբորատորիա»

Նպատակ

Ինքնազարգացում, ինքնակրթություն, մեթոդական մշակումներ:

Խնդիրներ

  • որպես ինքնազարգացման, ինքնակրթության միջոց՝ երգչախմբային գործունեություն,
  • ազգային պարերեգերի ուսուցում, կատարում,
  • 2-5 տարեկան սաների համար երգերի, ծիսական խաղերի, ծեսերի մեթոդական մշակումներ, որոնք կփորձարկվեն խմբերում, կքննարկվեն երաժշտական լաբորատորիայում,
  • լաբորատորիայի գործունեությունը նախագծային է:
  • երաժշտական մասնագիտական կարողությունների, ունակությունների, հմտությունների, երևակայության զարգացում, ստեղծականություն: